كيلو اللحمة بـ70 جنيه ؟ البحر بيضحك ليه ؟!
البحر بيضحك ليه - نجيب سرور - الشيخ امام
البحر بيضحك ليه وانا نازلة اتدلع أملا القـُلل
البحر غضبان مبيضحكش .. أصل الحكاية متضحكش
البحر جرحه مبيدبلش وجرحنا ولا عُمره دِبِل
البحر بيضحك ليه ليه ليه .. وانا نازلة اتدلع أملا القُـلل
مساكين بنضحك م البلوه .. زي الديوك والروح حِلوة
مساكين بنضحك م البلوه .. زي الديوك والروح حِلوة
سرقاها م السكين حمّوه .. ولِسه جوّه القلب أمل
والبحر بيضحك ليه ليه ليه .. وانا نازلة اتدلع أملا القُـلل
قُللنا فُخارها قناوى .. بتقول حكاوى وغناوى
ياقــُلة الذُل أنا ناوى .. ما أشرب ولو ف الميه عسل
البحر بيضحك ليه ليه ليه .. وانا نازلة اتدلع أملا القُلل
ياما مالينا وما لينا .. لغيرنا وعطشنا سقينا
صابرين وبحر ما يروينا .. شايلين بدل العِلة عِلل
والبحر بيضحك ليه ليه ليه وانا نازلة أتدلع أملا القُلل
في بالي ياما وعلي بالي .. واللي بيعشق ما يبالي
مايهمنيش من عُزالي ياحِلوة لو مرسالي وصل
البحر بيضحك ليه ليه ليه وانا نازلة اتدلع املا القُلل
بيني وبينك سور ورا سور
وانا لا مارد ولا عصفور
انا بإيدي عود قوّال وجسور
صبحت انا ف العشق مثل
والبحر بيضحك ليه ليه ليه .. وانا نازلة اتدلع املا القُلل
!
0 التعليقات
إرسال تعليق