أغنية مسلسل الأصدقاء تتر المقدمة والنهاية .. للفنان الرائع محمد قنديل كلمات الشاعر الجميل : سيد حجابآدي ايدي مد ايدك
جرحي جرحك عيدي عيدك
ود دافي نبع صافي
شئ كأنه نيل موافي
من وريدي ومن وريدك
ياصديقي مد ايدك
آدي ايدي مد ايدك
جرحي جرحك عيدي عيدك
آدي إيدي مد ايدك
جرحي جرحك عيدي عيدك
من وريدي ومن وريدك
ياصديقي مد ايدك
ياصديق عمري ياصاحب زكرياتي
انت كنز ايامي تحويشة حياتي
ومرياتي اللي بشوف جواها ذاتي
وتواجهني بعيبي تكشف سيئاتي
وتقسي بحنان واستزيدك
ياصديقي مد ايدك
وتقسي بحنان واستزيدك
ياصديقي مد ايدك
آدي ايدي مد إيدك
جرحي جرحك عيدي عيدك
ود دافي نبع صافي
شئ كإنه نيل موافي
من وريدي ومن وريدك
من وريدي ومن وريدك
ياصديقي مد ايدك
اصدقاءك والود موصول فوق زمانا
ليه امِنا وبيه أمنا وفيه أمنا
بيه علي الدُنيا وعالضهر استعنا
وإن زمنا خنا وف لحظة طعنا
استعدني واستعيدك
ياصديقي مد إيدك
استعدني واستعيدك
ياصديقي مد إيدك
----
تتر النهاية
آدي يدي مد يدك
أد ودك قلبي ودك
مانت بعد الأهل أهلي
وإذا يوم قلبك ندهلي
هتلاقيني بقلبي عندك
ياصديقي مد يدك
ياصديق عمري واحلامي وعذابي
ف ليالي فرحتك عامل حسابي
ياصديق عمري واحلامي وعذابي
ف ليالي فرحتك عامل حسابي
ف ليالي وحدتك بتدق بابي
ف ليالي وحدتك بتدق بابي
وعُمر باب قلبي ماصدك
ياصديقي مد يدك
اصدقاء والود موصول فوق ظروفنا
مهما نبعد مهما طفنا مهما شوفنا
ف ساعات شدتنا وقلقنا وخوفنا
ف ساعات شدتنا وقلقنا وخوفنا
تستعدني واستردك
ياصديقي مد يدك
0 التعليقات
إرسال تعليق