حدوته مصرية محمد منير

لا يهمني اسمك .. لا يهمني عنوانك .. لا يهمني لونك .. ولا ميلادك .. يهمني الانسان .. ولو ملوش عنوان .. ياناس ياناس هيا دي الحدوتة اللي غناها محمد منير في فيلم ( حدوته مصرية ) تأليف الشاعر العبقري عبد الرحيم منصور وألحان احمد منيب

منرضاش .. يخاصم القمر السما

منرضاش .. تدوس البشر بعضها

منرضاش .. يموت جوا قلبي نداه

منرضاش .. تهاجر الجذور أرضها

منرضاش

قلبي جوايا يغني .. اجراس تدق صرخة ميلاد

تموت حته مني .. لاجراس بتعلن نهاية بشر من العباد

الحكمة قتلتني .. وحيّتني .. وخلتني .. اغوض في قلب السر

قلب الكون .. قبل الطوفان مايجي .. وخلتني اخاف عليكي يامصر

واحكيلك علي المكنون .. مين اللي عاقل فينا مين مجنون

مين اللي مدبوح م الألم .. مين اللي ظالم فينا مين مظلوم

مين اللي ما يعرفشي غير كلمة نعم

مين اللي محنيلك خضار

الفلاحين الغلابة

مين اللي محنيلك عمار

عمالك اللي طيابة

مين اللي بيبيع الضمير وبيشتري بيه الدمار ؟

مين هوا صاحب المسألة

والمشكلة .. والحكاية والألم

رأيت كل شئ .. وتعبت علي الحقيقة

قابلت ف الطريق عيون كتير بريئة

اعرف بشر .. عرفوني لأ .. لأ معرفونيش

قبلوني .. وقبلتهم

بمد إيدي لك .. طب ليه متقبلنيش

لا يهمني اسمك .. لا يهمني عنوانك .. لا يهمني لونك .. ولا ميلادك .. مكانك

يهمني الانسان ولو ملهوش عنوان ..

ياناس ياناس هي دي الحدوتة

ياناس ياناس هي دي الحدوتة

حدوتة مصرية