ازرق

أزرق

لإن خط الميري أزرق

والقلم في الفصل أزرق

وأما قال مقلوب وهطفح ركبوه البوكس لازرق

ولبسوه في السجن أزرق

وختموا ختم النسر لازرق

البنات القطر فاتهم

بخ تحت عنيهم أزرق

واللي ضايعه .. تستخبي .. تحت ليل .. الهلس .. لازرق

والجميلة .. كي لا تُحسد .. كان لابُد الفص لازرق

الولد لفلف ودخّن

فخ كان دُخانه أزرق

مصّ دمه

وداري همه في بنطلونه الجينس لازرق

!

وإن قال حرام

يرموه ف مكان ميعرفوش الجن لازرق

يبقي ليه ؟

يبقي ليه لاحمر ولأبيض في العلم

لما هي لونها أزرق ؟!

!

كلمات ميدو زهير