بوابة الحلواني

بـِندُق ندُق بوابة الحياة بالإيدين

قومى .. قومي .. قومي إفتحي لولادك الطيبين

اللي بني بني مصر .. كان ف الأصل .. حلواني

وعشان كدا مصر ياولاد .. مصر ياولاد

حلوة الحلوات

وادى وبوادى وبحور وكسور وموانى

توحيد وفِكر وصلاة تراتيل غُنا وإبتهالات

وكُل دا ف مصر ياولاد .. مصر ياولاد حِلوة الحلوات

اللي بني مصر كان .. حلواني ياولداه .. حلواني

اسمه علي بوابتها لا زال ولا زايل

ساعة الهوايل يقوم قايل .. يا بلدااااه

ويجي شايل .. هيلا هوب شايل .. هيلا هوب شايل حمولها

ويعدل المايل

وعشان كدا مصر ياولاد حِلوة الحِلوات

بحلم ياصاحبي وانا

وانا لسه بحبي أنا

بدنيا تانيه ومصر جنة ياصاحبي

وآجي أحقق الحِلم ألقي موج عالي عالي عالي طاح بي

ونعود سوا نطوى الأنين بالحنين ..

وعشان كِدا مصر ياولاد حِلوة الحِلوات

كلِمات سيد حجاب - غناء علي الحجار